Binəqədi Gənclər Evində natiqlik mövzusunda seminar keçiriləcək. Bu haqda bu gün, 17 fevral tarixində Bakuplus.az quruma istinadən xəbər verir.
"NatiqSən ya Danışan" adlı seminarda “Effektiv Kommunikasiya necə olmalıdır” və “İctimai nitqdə olan çətinliklər barədə məlumatlar əldə edəcəksiniz” kimi mövzulara toxunulacaq.
Təlimi "YeniSən" Platformasının yaradıcısı, Formula 1, Bakı Şəhər Halqası Əməliyyatlar Şirkəti, İR və işçi qüvvəsi üzrə aparıcı mütəxəssis Turan Şabanov keçirəcək.
Tədbir 20 fevral saat 12:00-da baş tutacaq. Seminarda iştirak üçün Binəqədi Gənclər Evinin səhifəsinə yazmaq kifayətdir. İştirak ödənişsizdir.
