Xəzər rayonunda piyada səkiləri müxtəlif məhsulların satışını həyata keçirən şəxslər tərəfindən zəbt edilib. Bu haqda 20 iyul tarixində ARB məlumat verib.
Binə qəsəbəsinin mərkəzi yolu ilə gedərkən hər yerdə məişət tullantılarına rast gəlmək olur. Vətəndaşlar tullantıları hara gəldi atırlar və bunu mərkəzi hissədə zibil qablarının azlığı ilə əlaqələndirirlər.
Rayon üzrə bələdiyyə sədri Habil Həmidov deyir ki, sözügedən ərazi qəsəbənin mərkəzidir və piyada səkilərini müxtəlif işbazlar zəbt edib:
“Müxtəlif vaxtlarda tərəfimizdən, polis idarəsi tərəfindən tədbirlər görülüb, həmin o səkilər təmizlənib. Lakin yenidən ayrı-ayrı işbazlar həmin yerləri zəbt ediblər. Orada müxtəlif növ ticarətlə məşğul olurlar və satdıqları məhsulların qalıqlarını, tullantıları hara gəldi atırlar. Sözügedən ərazi nəzarətdədir və orada yenə də gündəlik təmizlik işləri görüləcək”.
[caption id="attachment_53323" align="alignnone" width="800"]
Foto ARB24-ün rəsmi Youtube kanalı[/caption]
