Müsabiqəyə çıxarılan 62, 217 və 569 nömrəli avtobus marşrutları üzrə qaliblər müəyyən edilib.
Bakuplus.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.
Bildirilib ki, 62 (Sabunçu qəsəbəsi, dəmiryolu stansiyası – N.Tusi küçəsi) və 217 nömrəli marşrutlar üzrə (Məmmədli kəndi – "Koroğlu" Nəqliyyat Mübadilə Mərkəzi) “Bakubus” MMC qalib olub. 569 nömrəli marşrut üzrə (Masazır qəsəbəsi – Bakı Beynəlxalq Avtovağzal Kompleksi) isə “Xan Nəqliyyat R” MMC komissiya üzvləri tərəfindən qalib elan olunublar.
