Ötən gün, dekabrın 26-da saat 18:00 radələrində Dənizkənarı bulvarda skuter sürən qadın idarəetməni itirərək övladı ilə birlikdə xəsarət alıb. Bu haqda bu gün, 27 dekabr tarixində Bakuplus.az Avtosfer-ə istinadən məlumat verir.
Qadın uşaqla bir yerdə xəstəxanaya aparılıb.
Dənizkənarı Bulvar İdarəsinin rəsmisi bildirib ki, qəza bulvar ərazisində icarəyə verilən skuterlərlə yox, kənardan gətirilmiş şəxsi nəqliyyat vasitəsi ilə baş verib: “Qəza keçirən xanım skuteri özü idarə edib və bulvar ərazisinə kənardan gətirib.
Nəzərinizə çatdırmaq istəyirəm ki, Dənizkənarı Bulvar İdarəsi skuterlərin Milli Parkda hərəkəti ilə bağlı qaydalar müəyyənləşdirib. Bu qaydalara əsasən, bulvarda skuterlər yalnız müəyyən olunmuş hissələrdə sürət həddi 17 km/saatdan artıq olmamaqla idarə oluna bilər. Dənikənarı zolaq skuterlərin istidafəsi üçün birmənalı qadağan olunub. Bununla bağlı qadağanedici nişanlar da qoyulub. Əhalidən bir daha xahiş edirik ki, bu qaydalara əməl etsinlər”.
Hadisə 9-cu Polis Bölməsi tərəfindən araşdırılır.
