Xəzər rayonu, Buzovna qəsəbəsində Xəzər dənizinə çıxışı məhdudlaşdıran hasarlar sökülür. Bu haqda bu gün, 20 may tarixində Qafqazinfo məlumat verib.
Xəzər rayon İcra Hakimiyyətindən (RİH) bildirilib ki, Buzovnada dəniz içinə kimi uzanan çəpərin (baryerin) sökülməsinə başlanılıb. Xəzər dənizinin sahil boyu inzibati ərazisində yaradılmış komissiyanın iştirakı ilə monitorinq aparılıb.
Monitorinqlər göstərib ki, ərazidə dənizə çıxışı məhdudlaşdıran tikililər uzun illər əvvəl inşa olunub. Bununla bağlı həmin ərazidə yerləşən tikililərin sahiblərinə dənizin mühafizə zolağında inşa edilən tikililərin sökülməsi, ərazinin əvvəlki vəziyyətinə qaytarılması ilə bağlı izahatlar verilib.
RİH-dən onu da qeyd ediblər ki, Buzovna kəndinin Xəzər dənizinin sahili boyu inzibati ərazisində aparılan izahat işləri nəticəsində mövcud tikililər (çəpərlər) sökülərək dəniz mühafizə zolağı bərpa olunur.
Daha öncə məlum olmuşdur ki, Buzovna kəndinin sakinləri sahilyanı obyektlərin sahiblərini və icarədarlarını, onların çimərliyə keçməsinə mane olan çoxsaylı hasarlardan üçünü sökməyə məcbur etmişdirlər.
