Dələduzluğa görə bacısı ilə birgə həbsdə olan İlknur Turkut haqda yeni cinayət işi başlanılıb. Bu haqda 12 fevral tarixində Bakuplus.az Qafqazinfo-ya istinadən xəbər verir.
Keçən il Binəqədi rayon bələdiyyəsinin sabiq başçısı Aytac Əliyeva bacısı İlknur Turkut ilə birgə qızıl alveri adı ilə vətəndaşlara qarşı dələduzluq etməkdə və 1 milyon manata yaxın vəsaiti mənimsəməkdə ittiham olunublar. Nəticədə Aytac Əliyeva 7 il, İlknur Turkut isə 6 il müddətinə azadlıqdan məhrum ediliblər.
Bu dəfə isə Turkut barədə Binəqədi Rayon Polis İdarəsində yeni şikayət əsasında cinayət işi açılıb.
İttihama görə, İlknur Turkut zərərçəkmiş Şirin Abbasova oğlunu həbsdən çıxara biləcəyi barədə yalan vəd verib. O, məhkəmə istintaqı davam edən işi həll etmək üçün zərərçəkmişdən 15 min manat pul alıb.
Bu günlərdə toplanmış materiallar baxılması üçün Binəqədi Rayon Məhkəməsinə göndərilib.
