Bakı məktəblərində buraxılış imtahanlarının vaxtları açıqlanıb. Bu haqda bu gün, 6 fevral tarixində Bakuplus.az Dövlət İmtahan Mərkəzinə istinadən xəbər verir.
Ümumi (9 illik) və tam (11 illik) orta təhsil səviyyəsi üzrə buraxılış imtahanlarının Bakı şəhəri üzrə qrafiki aşağıdakı kimidir:
Tam (11 illik) orta təhsil səviyyəsi üzrə buraxılış imtahanı:
- 5 mart - Qaradağ, Binəqədi, Xətai, Suraxanı, Pirallahı, Yasamal;
- 12 mart - Nərimanov, Sabunçu, Xəzər, Səbail, Nəsimi, Nizami.
Ümumi (9 illik) orta təhsil səviyyəsi üzrə buraxılış imtahanı:
- 9 aprel - Sabunçu, Səbail, Xətai, Nəsimi, Nərimanov;
- 16 aprel - Qaradağ, Yasamal, Suraxanı, Binəqədi;
- 30 aprel - Xəzər, Nizami.
Məcburi köçkün rayonlarının məktəblərində təhsil alan şagirdlər bitirdikləri təhsil müəssisəsinin yerləşdiyi şəhər və rayonların imtahan gününə uyğun tarixlərdə imtahan verirlər.
İmtahana buraxılış vərəqələri hər imtahan günündən 5 gün əvvəl DİM-in saytında yerləşdiriləcək.
