Nizami rayonunun Əli Vəliyev küçəsində yerləşən "Dəmiryolçular binası"nda yaşayan sakinlərə bir aydan çoxdur isti su verilmir. Bu haqda bu gün, 25 iyun tarixində Bakuplus.az Xəzər Xəbər-ə istinadən məlumat verir.
Binada 60 ailədən əksəriyyəti illərdir ki, isti su üçün kommunal xərci ödəməkdən imtina edir. Bu borca görə qalan ailələrə də su verilmir. Sakinlər məsələ ilə bağlı aidiyyəti qurumlara müraciət etsələr də, bir cavab ala bilməyiblər.
"Azəristiliktəchizat" ASC-dən bildirilib ki, bina sakinlərinin əksəriyyəti borcu ödəməkdən yayınır. Yalnız borcu olmayanlara isti su verilməsi isə texniki cəhətdən mümkün deyil. İstixana xidməti ümumi fəaliyyət göstərir deyə, yenidən istifadəyə verilməsi üçün xərclər ödənilməlidir. Bunun üçün də sakinlərin, heç olmasa, yarısı ödənişi etməlidir.
