Bakı Ağır Cinayətlər Məhkəməsində həmyerlisinə, 10 yaşlı qıza qarşı cinsi zorakılıq etməkdə təqsirləndirilən Əfqanıstan vətəndaşı Rahimi Mahdiyə hökm oxunub. Bu haqda bu gün, 17 noyabr tarixində Bakuplus.az Report-a istinadən məlumat verir.
Hakimin qərarı ilə Mahdi 8 il müddətinə azadlıqdan məhrum edilib.
Məhkəmə materiallarına əsasən, hadisə 2019-cu il iyunun 21-də olub. Mahdi Bakıda kirayə yaşadığı ünvanda uşağının 40 gününün çıxması münasibətilə keçirdiyi qonaqlıq zamanı özünün yataq otağında 14 yaşına çatmayan 2009-cu il təvəllüdlü tanışına qarşı seksual xarakterli zorakılıq hərəkətləri edib. O, zərərçəkmişin doğmalarının şikayəti əsasında həbs olunub.
