Daşınmaz əmlak sığortaları vacibdirmi? Bu haqda bu gün, 24 yanvar tarixində Bakuplus.az ATV-yə istinadən xəbər verir.
Sığortanın əsas məqsədi əmlaka dəymiş zərərə görə təzminatın ödənilməsi ilə insanların sosial müdafiəsini təmin etməkdir.
Daşınmaz əmlakın icbari sığortası 50 manat, sığorta məbləği 25 min manat təşkil edir. Sığorta xidmətlərinə, əsasən, güclü külək fonunda dam örtüyünün uçması, yanğın, su basma, təbii qazın partlayışı və sairə daxildir.
“Misal üçün Bakı şəhərində yerləşən ortalama 200 kv.m-lik qeyri-yaşayış sahəsinin bir sığorta haqqını hesablasaq, bu, təxminən 250-400 AZN civarında dəyişə bilər”, – deyə Azərbaycanda Sığortaçılar Assosiasiyanın eksperti Emin Allahverdiyev bildirib.
O əlavə edib ki, vətəndaş sığorta hadisəsi ilə üzləşdikdə birinci növbədə sığorta şirkətinə məlumat verməlidir. Daha sonra sığorta şirkəti əmlaka baxış keçirir. Bu baxışın nəticəsində zərər müəyyənləşdirilir və zərərçəkmiş şəxsə kompensasiya ödənilir.
“Əgər sığortaçı öz əmlakını bilərəkdən yandırıbsa və yaxud da baş vermiş hadisə qanunveriliciyin tələblərindən kənardırsa, sığorta şirkəti təzminat ödməkdən imtina edə bilər”, – deyə ekspert qeyd edb.
Sığorta əmlakın yalnız daş konstruksiyası, dam örtüyü, kommunal xətlərini əhatə edir. Obyektin və mənzilin daxilindəki əşyalar sığortaya daxil olmur.
