Elektron reseptlər necə tətbiq olunacaq? Bu hada bu gün, 19 yanvar tarixində Bakuplus.az ATV-yə istinadən xəbər verir.
Cari lin yanvar ayından ölkədə elektron resept xidməti fəaliyyətə başlayıb. Ancaq bu proses bir sıra suallar yaradır. Belə ki, reseptsiz dərman almaq mümkün olacaqmı?
Səhiyyə Nazirliyindən verilən məlumata əsasən, elektron reseptin tətbiq olunması mərhələli şəkildə baş tutacaq.
“3000-dən çox aptek şəbəkəsi mövcuddur. Eləcə də bir çox tibb müəssisələri var, hansı ki onlara bu rəqəmsal reseptin izah olunması və eləcə də rəqəmsal istifadə qaydalarının göstərilməsi müəyyən bir vaxt tələb edir”, – deyə Səhiyyənin İnformasiyalaşdırılması Mərkəzinin şöbə müdiri Kəbutər Mövsümlü qeyd edib.
Bildirilir ki, Elektron reseptdə firma dərmanları və ya bioloji aktiv qida madəllərinin yazılması mümkün olmayacaq. Gündəlik istifadə olunan və adətən reseptsiz satılması mümkün olan baş, diş ağrısı üçün dərmanları həmişəki kimi reseptsiz almaq mümkündür.
Bundan əlavə, reseptlər elektron portala daxil edildikdən sonra onu çap edib ənənəvi qaydada təqdim etmək də mümkün olacaq. Bu da həm ucqar rayonlarda, həm də yaşlı nəsil üçün daha rahat olacaq.
“Vətəndaşlar sırf reseptin nömrəsini əldə edərək əczaçılıq müəssisəsindən dərman preparatlarını əldə edə biləcəklər”, - deyə K.Mövsümlü əlavə edib.
