Azərbaycan Xalça Muzeyində “İlkin toxuculuq vərdişləri arxeoloji tapıntılarda” adlı mühazirə keçiriləcək. Bu haqda bu gün, 10 yanvar tarixində Bakuplus.az muzeyə istinadən xəbər verir.
Mühazirədə Azərbaycanın Cənub bölgəsində aparılmış arxeoloji qazıntılar zamanı aşkarlanan maddi mədəniyyət nümunələri əsasında qədim dövrlərdə bu bölgədə yaşamış insanların təsərrüfat həyatında ibtidai toxuculuğun ilkin təzahürləri və sonrakı inkişaf mərhələlərindən bəhs ediləcək.
Mühazirəni AMEA Arxeologiya, Etnoqrafiya və Antropologiya İnstitutunun aparıcı elmi işçisi, tarix üzrə fəlsəfə doktoru, dosent Anar Ağalarzadə apacaraq.
Tədbir 14 yanvar saat 16:00-da baş tutacaq. İştirak üçün öncədən qeydiyyatdan keçmək lazımdır.
