Fatmayı kəndində kanalizasiya problemi bitmir. Bu haqda bu gün, 21 oktyabr tarixində Bakuplus.az AzTV-yə istinadən xəbər verir.
10.000-ə yaxın əhalinin yaşadığı kənddə 30 ildir kustar üsulla çəkilən kanalizasiya sistemi yenilənmir. Bu günə qədər sakinlər öz ciblərindən köhnə xətləri təmir etməyə çalışırlar. Ancaq borular artıq sıradan çıxır. Tez-tez çirkab su daşaraq küçələrə axır.
“3 gün deyil, açdıq, təmizlədik. 1-2 həftəyə yenə pis günə düşəcək”, – deyə sakinlər şikayət edirlər.
“Azərsu”dan məsələ ilə bağlı bildirilib ki, sözügedən ərazidə kanalizasiya infrastrukturunun quraşdırılması planlaşdırılır.
