Bakının mərkəzində Filarmoniya bağında 29 mart, axşam saatlarında güclü külək nəticəsində iri çoxillik ağac aşıb. Bu haqda Bakuplus.az məlumat verir.
Belə ki, bir müddət əvvəl qurumuş ağac aşaraq Niyazi küçəsində qismən hərəkəti məhdudlaşdırıb. Hadisə yerinə müvafiq orqanlar cəlb olunub, maneə aradan qaldırılıb.
Həmçinin şəhərin bəzi ünvanlarında da küləyə görə müxtəlif fəsadlar müşahidə olunub. Nəsimi rayonu, Füzuli küçəsində avtobus dayancağının üst hissəsi sıradan çıxıb. Eləcə də Yasamal rayonunda küləyin təsirindən bir neçə ağac aşıb.
