Bakı Dövlət Universitetinin (BDU) Astrofizika kafedrası güclü geomaqnit qasırğasının gözlənilməsi ilə bağlı məlumat yayıb.
Kafedradan “Qafqazinfo”ya bildiriblər ki, günəş aktivliyinin 11-12 oktyabr tarixinədək yüksək olacağı, eləcə də X alışmaların ola biləcəyi proqnozlaşdırılır.
X1.8 alışması səbəbindən yaranan TKA-ların təsiri 10-12 oktyabr tarixlərində hiss ediləcək, oktyabrın 12-dən intensivliyi azalacaq, sonradan parametrlər fon səviyyəsinə enəcək.
10-11 oktyabr tarixlərində Yerin geomaqnit sahəsi həyacanlanmış səviyyədə, geomaqnit aktivliyi göstərən əmsal isə 6-7 olacaq. Oktyabrın 10-dan 11-nə keçən dövrdə G4 (güclü) geomaqnit qasırğasıının olacağı proqnozlaşdırılır.
