Avqustun 7-dən etibarən Bakı küçələrində parkinq üçün ödəniş yalnız nağdsız – AzParking mobil tətbiqi və ya SMS vasitəsilə həyata keçirilir. Buna baxmayaraq, qanunsuz olaraq fəaliyyət göstərən “parkovşiklər” hələ də sürücülərə zülm verirlər. Bu haqda bu gün, 23 oktyabr tarixində Bakuplus.az Caliber.az-a istinadən məlumat verir.
Bundan başqa, iş günləri saat 22:00-dan sonra və saat 07:00-a qədər və bazar günləri gün ərzində avtomobil pulsuz park edilə bilər. Lakin pulsuz parkinq saatlarında “parkovşiklər” yenə küçələrə çıxır və sürücülərdən pul tələb edirlər.
“6 gün dövlətə ödəyin, bazar günü isə bizim gündür, pul qazanırıq!” – deyə onlar sürücülərdən qanunsuz ödəniş tələbə edirlər.
Yerüstü Nəqliyyat Agentliyinin (AYNA) mətbuat xidmətindən bildirilib ki, bazar günü və saat 22:00-dan etibarən parkinq işçilərinin sürücülərdən pul tələb etməsi tamamilə qanunsuzdur.
“Sürücülər parkinq işçilərinin onlardan qeyri-qanuni tələb etdiyi nağd pulu ödəməməlidirlər”, - qurum vurğulayıb.
