Bakının Yasamal rayonu, Mirzəağa Əliyev küçəsində restoranın qarşısı qanunsuz olaraq avtomobillər tərəfindən zəbt olunub. Bu haqda bu gün, 17 may tarixində Bakuplus.az Oxu.az-a istinadən xəbər verir.
Sözügedən ünvanda dayanma-durmanı qadağan edən nişan olsa da, avtomobillər səkinin üzərində saxlanılır. Parkinqin qiyməti isə ərazidəki “parkovşik” tərəfindən 2 manat olaraq təyin edilib.
Əlavə olaraq avtomobillərin səkiyə rahat giriş-çıxışını təmin etmək üçün velosiped zolağında olan baryerlər sökülüb. Həmçinin ərazidə həm yeraltı, həm yerüstü dayanacaq yerləri mövcuddur.
Bakı Şəhər Dövlət Yol Polisi İdarəsinin (BŞDYP) bölmə rəisi Toğrul Nəsirlinin verdiyi məlumata görə, sözügedən ərazidə yol hərəkəti qaydalarını pozan sürücülər barəsində qanunamüvafiq tədbirlər görülüb.
