Bakının Hövsan qəsəbəsi Dənuzkənarı küçəsinin sakinləri su olmamasından şikayətlənirlər. Onların iddiasına görə, su may ayından sentyabr ayına qədər kəsilir. Bu, illərdir ki, belə davam edir. Bu haqda bu gün, 21 iyun tarixində Bakuplus.az Xəzər Xəbər-ə istinadən məlumat verir.
Yay mövsümü boyunca sakinlər suyu maşınla almağa məcbur qalırlar. Onların sözlərinə görə, həmin problem isti aylarda peyda olur.
"Azərsu" ASC-nin rəsmisi Anar Cəbrayıllı bildirdi ki, həmin ərazidə, əsasən, vətəndaşların özlərinin çəkdiyi fərdi şəbəkələrdir, bu da yay aylarında, suya tələbatın artdığı dövrdə su təchizatının pisləşməsinə səbəb olur.
Bununla bağlı Suraxanı rayon Su Kanal İdarəsi tərəfindən “Azərsu”ya müraciət olunub, eskiz hazırlanıb. Eskizə əsasən, həmin ərazidə təxminən 300 metr uzunluğunda 110 mm diametrdə borularla gücləndirici xətt çəkiləcək.
Bundan sonra həmin ərazilər qrafik rejimlə su ilə təmin olunacaq.
