Heydər Əliyev Sarayında uşaqlar üçün 2, 3, 4 yanvar tarixlərində “Yeni il şənlikləri” adlı əyləncəli-interaktiv tamaşa keçiriləcək. Bu haqda bu gün, 21 dekabr tarixində Bakuplus.az məlumat verir.
Uşaqlara böyük şam ağacının ətrafında nağıl qəhrəmanlarının iştirakı ilə musiqili, əyləncəli və interaktiv nağıl tamaşası təqdim olunacaq.
Əyləncəli, musiqili, interaktiv və maraqlı hekayədən ibarət nağıl tamaşası uşaqları sevindirəcək, onlara xoş əhvali-ruhiyyə bəxş edəcək. Uşaqlar sehrli və heyrətamiz nağıl dünyasına səyahət edəcəklər.
Tamaşalar gündə iki dəfə - saat 12:00-da və 15:00-da başlayacaq. Biletlərin qiyməti 6-25 manat arasında dəyişir, satış onlayn platformada da həyata keçirilir.
