Bakının Xətai rayonu, Əhmədli qəsəbəsi, Aşıq Ələsgər və Rahib Məmmədov küçələrinin kəsişməsində əmlak sahibi ona məxsus digər obyektə bitişik olan sahəni zəbt edərək betonlayıb. Bu haqda bu gün, 30 oktyabr tarixində Bakuplus.az Caliber.az-a istinadən məlumat verir.
Azərbaycan Respublikası Dövlət Şəhərsalma və Arxitektura Komitəsinin əməkdaşları tərəfindən aparılan monitorinqlər nəticəsində qeyri-yaşayış obyektinin yanındakı ərazinin müvafiq icazə olmadan zəbt olunaraq betonlanması müəyyən edilib.
"İşlər dayandırılıb, beton bünövrəsi sökülüb, ərazinin əvvəlki formasına qaytarılması ilə bağlı xəbərdarlıq edilib", - deyə Dövlət Komitəsindən bildirilib.
[caption id="attachment_118126" align="alignnone" width="640"]
Foto Caliber.az[/caption]
