Dekabrın 26-da Azərbaycan Jurnalistlər Birliyinin sədri Elçin Şıxlı məktəblilərlə görüşəcək. Bu haqda bu gün, 25 dekabr tarixində Bakuplus.az Bakı Şəhəri üzrə Təhsil İdarəsinə istinadən xəbər verir.
“Ayna” və “Zerkalo” qəzetlərinin baş redaktoru “Məktəbdə…” layihəsi çərçivəsində uşaqlarla vaxt keçirəcək.
Elçin Şıxlı məktəb və müəllimin insanların formalaşdırılmasında rolları, ixtisas seçimi və peşə sahələrinə yönəlməyə təsir edən amillər, yeniyetmə və gənclərdə ictimai məsuliyyət hissi və digər mövzulardan danışacaq.
Tədbir 183 nömrəli tam orta məktəbdə baş tutacaq.
