Binəqədi rayonunda küçədə tapılan üç aylıq körpənin anası hadisə ilə bağlı açıqlama verib. Bu haqda bu gün, 22 dekabr tarixində Oxu.az məlumat verib.
Qadının sözlərinə görə, körpə atası tərəfindən küçəyə atılıb.
32 yaşlı qadın bildirir ki, o, 3 dəfə evlənib, və bu uşaq onun sonuncu evliliyindən dünyaya gəlib.
O, ərindən artıq ayrıldığını, kişinin də vaxtaşırı onlara baş çəkdiyini bildirib.
“Evə gələndə gördüm ki, uşağım yoxdur”, - deyə qadın əlavə edib.
Daha öncə məlum olub ki, Binəqədi qəsəbəsinin Gülüstan küçəsində 3 aylıq oğlan uşağı aşkarlanıb. O, polis tərəfindən sığınacağa yerləşdirilib.
