Nizami rayonu, Keşlə qəsəbəsində qurumuş ağac təhlükə saçır. Bu haqda bu gün, 3 fevral tarixində Bakuplus.az Xəzər Xəbər-ə istinadən məlumat verir.
Söhbət Nizami Abdullayev küçəsi, ev 6 ünvanından gedir. Burada yerləşən söyüd ağacı hər an aşaraq elektrik xətlərinin və ya insanların üzərinə düşə bilər.
“Hər an aşa bilər. Hər külək olanda güclü səs çıxır. Ortası da, yuxarısı da çürükdür. 1 budağı da qopub düşmüşdü”, – deyə ev sahibi bildirib.
Qurumlar ağacı tam kəsməkdən imtina edir. Ağacın üzərində yaşıl yarpaqlar var deyə onu kəsməyin mümkünsüz olduğu deyilir.
Məsələ ilə bağlı Bakı Şəhər İcra Hakimiyyəti Yaşıllaşdırma Təsərrüfatı Birliyindən bildirilib ki, müvafiq qiymətləndirmə aparılıb, problem həll olunacaq.
