Qaradağ rayonu Ələt qəsəbəsində binaların zirzəmisinə su dolur. Bu haqda Realtv xəbər verib.
Eduard İmanov küçəsindəki sakinlərin binaların zirzəmisinə su dolur. Həmçinin binalara istilik verilsədə, lakin evlər yaxşı qızınmır. Binanın həyətində isə nə park, nədə oturacaq var.
Məsələ ilə bağlı 132 saylı mənzil-komunal istismar sahəsi bildirir ki, hazırda Azəristilik tərəfindən adı çəkilən ünvanda işlər aparılır, 50 illik istismar müddəti bitmiş çuqun borular plastik borularla əvəz olunur. Bir neçə gün ərzində binalar istiliklə təmin olunacaq.
Qaradağ rayonu mənzil-kommunal təsərüffatı birliyinin sözlərinə görə, sakinlərin istirahəti üçün böyük parkın salınması və qapalı stadionun tikintisinin gələn ilin 1-ci rübünə təsadüf edəcək.
Qaradağ Rayon Sukanal İdarəsi bildirib ki, sözügedən binaların altına yığılan maye qrunt sulardır. Qrunt sularının təmizlənməsi əslində sukanal idarəsinin vəzifəsi olmasa da, qurum vətəndaşların xahişini nəzərə alaraq mütəmadi olaraq suyun kənarlaşdırmasını həyata keçirəcək.
