Ölkənin WhatsApp istifadəçiləri dələduzların qurbanlarına çevrilirlər. Bu haqda bu gün, 5 mart Bakuplus.az məlumat verir.
Son günlərdə WhatsApp istifadəçilərinə fırıldaqçı mesajlar gəlməyə başlayıb. Maraqlı odur ki, mesajlar istifadəçilərin tanışları tərəfindən gəlir. Göndərilən mesajlarda xahiş tipli məzmunlar öz əksini tapır. Fırıldaqçılar bir insanın WhatsApp hesabını qırır, sonra isə onun tanışlarına mesaj göndərməyə başlayır.
WhatsApp istifadəçilərinə xahiş məzmunlu mesajlar gəlir və aldananlar həmin mesajlara kliklədikdə bir neçə veb-sayta yönləndirilirlər. Burada mobil nömrə, bank kartı məlumatlarını və ya digər əhəmiyyətli məlumatları daxil etmək tələb olunur.
İstifadəçi məlumatları daxil etdikdə fırldaqçıların toruna düşür və sonda kart hesablarından pulun çıxarılması ilə qarşılaşır.
