Məktəblərdə telefon qadağası ilə bağlı açıqlama verilib. Bu haqda bu gün, 20 dekabr tarixində Bakuplus.az Report-a istinadən xəbər verir.
Ümumi Təhsil üzrə Dövlət Agentliyindən verilən məlumata əsasən, yayılan xəbərlər reallığı əks etdirmir.
“Ötən tədris ilinin 2-ci yarımilindən başlayaraq ölkəmizin 300 məktəbində şagird ağıllı saat və telefonları, həmçinin digər elektron cihazları məktəbə gətirməməli və dərs zamanı istifadə etməməlidir. Şagird, əgər məktəbə gəlib-getməsi üçün təhlükəsizliyinin təmin olunması məqsədilə telefon gətirirsə, həmin telefon şagirddən alınaraq təhlükəsiz yerdə saxlanılır və dərs məşğələləri bitdikdən sonra ona geri qaytarılır”, – deyə qurumdan bildirilib.
Sözügedən qayda yalnız pilot layihə olaraq seçilmiş 300 məktəbdə tətbiq olunur.
