Ümumtəhsil müəssisələrinin şagirdlərinə bir çox əlavə dərs vəsaitləri aldırılır. Bu, nəinki məktəblilərin dərs yükünü, həm də valideynlərin xərclərini artırır. Bu haqda bu gün, 13 oktyabr tarixində Bakuplus.az Xəzər Xəbər-ə istinadən məlumat verir.
Məsələ ilə bağlı təhsil eksperti Kamran Əsədov bildirib ki, bu köməkçi vəsaitlərin əksəriyyəti kommersiya maraqlarına xidmət edir. Ekspert onu da vurğulayıb ki, müəllimlər üçün dərs vəsaitləri Elm və Təhsil Nazirliyi tərəfindən çap olunur. Bu metodik vəsaitlərdə uşaqların işləməsi üçün kifayət qədər tapşırıqlar var.
Dövlət İmtahan Mərkəzinin sözçüsü Xanlar Xanlarzadə deyib ki, köməkçi vəsaitlələrin istifadəsi sərbəstdir və tədris prosesində məcbur şəkildə istifadə etdirilə bilməz.
Əlavə dərs vəsaitlərinin qiymətlərinə gəlincə, bu il bazarda qiymət artımı müşahidə olunub.
Xanlar Xanlarzadə qeyd edib ki, əlavə dərsliklərin bahalaşması nəşr xərclərinə təsir edən amillərlə bağlıdır.
