Bakıda məmur olmaq istəyən kişi dələduzluqla rastlaşıb. Bu haqda bu gün, 15 dekabr tarixində Bakuplus.az Lent.az-a istinadən məlumat verir.
Paytaxt sakini E.Əliyev özünü işgüzar kimi təqdim edərək İqtisadiyyat Nazirliyi yanında Dövlət Vergi Xidmətinin İdxal-ixrac Əməliyyatlar üzrə Baş İdarəsində baş inspektor işləmək istəyən H. C.-yə kömək edəcəyini deyib. Öz köməyinə görə o, vətəndaşdan 20 min manat pul alıb, lakin sonra yoxa çıxıb.
Zərərçəkmiş şəxs polisə müraciət edib. E. Əliyev barəsində Cinayət Məcəlləsinin “dələduzluq, xeyli miqdarda törədildikdə” maddəsi ilə cinayət işi açılıb. Cinayət işinə Nərimanov rayon məhkəməsində baxılacaq.
