Bəraət alan keçmiş məhbus təzminat tələb edir. Bu haqda bu gün, 9 yanvar tarixində Bakuplus.az Xəzər Xəbər-ə istinadən məlumat verir.
62 yaşlı Aydın Qəhrəmanov 2013-cü ildə 2 nəfəri öldürməkdə ittiham olunaraq ömürlük həbs cəzasında məhkum olunub. 9 il 6 aydan sonra o, bəraət alaraq azadlığa buraxılıb. İndi isə maddi və mənəvi ziyanının ödənilməsini istəyən A.Qəhrəmanov 1 milyon AZN təzminat tələb edir.
Bildirilir ki, mənəvi ziyan şəxsin həbsdə keçirdiyi hər aya görə hesablanır. Maddi ziyan isə həbsindən əvvəl aylıq qazancına uyğun verilir.
Zərəçəkmiş şəxs 3 il birlikdə yaşadığı xanım Aidə Yahyayeva və onun qardaşı qızı Samirə Yahyayevanı zəhərləməkdə ittiham olunmuşdu.
“Mən onlarla birlikdə zəhərlənmişdim və xəstəxanada müalicə almışdım. Daha sonra Aidə mənim müalicə üçün içdiyim dərmanlardan ona da gətirməyimi xahiş etdi. Məndə Ssəhiyyə Nazirliyinin verdiyi dərmanı onlara apardım. Bundan sonra onların vəziyyəti ağırlaşdı”, – deyə Aydın Qəhrəmanov bildirib.
