Paytaxtın Yasamal rayonu, Mətbuat prospektində yeni asfalt örtüyünün vurulması işləri yekunlaşmaq üzrədir. Bu haqda bu gün, 15 iyul tarixində Bakuplus.az Xəzər Xəbər-ə istinadən məlumat verir.
İşlər ötən gün saat 22:00-a qədər yekunlaşmalı olsa da, hazırda da prospektin bir hissəsi avtomobillər üçün bağlıdır. Yolun bu gün gün ərzində açılması planlaşdırılır.
Mətbuat prospektində işlər yekunlaşdıqdan sonra metronun “20 Yanvar” stansiyasından başlayaraq Həsən bəy Zərdabi küçəsi boyu da təmir işləri mərhələli şəkildə görüləcək.
Rayonun digər ünvanında, Mikayıl Müşfiq küçəsində yenidənqurma işləri yekunlaşmaq üzrədir. Küçədə yeni asfalt artıq döşənib. Bu yaxınlarda üfüqi nişanlanma xətlərinin çəkilişi və yeraltı kommunikasiya xətlərinin baxış qapaqlarının layihə hündürlüyünə qaldırılması işləri də yerinə yetiriləcək.
