Ölkədə bitki yağlarının qiymətində ucuzlaşma var. Bu yerli məhsullarla yanaşı, ixrac mallarına da aiddir. Bu haqda bu gün, 28 noyabr tarixində Bakuplus.az ATV Xəbər-ə istinadən məlumat verir.
Marketlərdə idxal olunan 900 qramlıq qarğıdalı yağının qiyməti 5,59 manatdan 3.99 manata enib. Əvvəl 14,50 manata təklif olunan 2 litrlik bitki yağı isə indi 11,50 manata satılır. Ucuzlaşma kərə yağının qiymətində də nəzərə çarpır. Məsələn, 19,90 olan kərə yağı 17,49-a təklif olunur.
Ucuzlaşma həm yerli, həm də idxal olunan məhsullarda müşahidə olunur. Alıcıların yağların ucuzlaşması ilə bağlı fikirləri isə birmənalı deyil.
Mütəxəssislər isə prosesi dünya bazarında bitki yağlarının, eləcə də onların istehsalı üçün lazım olan xammalın qiymətinin enməsi ilə əlaqələndirirlər.
“Hazırda dünyada müəyyən bitki yağlarının əsasını təşkil edən bitkilərdə daha bol məhsuldarlıq müşahidə olunur. Bu da öz növbəsində, sözsüz ki, ölkəmizdə də idxal olunan bitki yağlarının qiymətinin enməsinə təsir edir. Belə ki, ölkəmizdə istehlak olunan bitki yağları 70 faizi idxalın payına düşür”, – iqtisadçı Eyyub Kərimli deyir.
Kərimli, həmçinin hesab edir ki, ucuzlaşma prosesi davamlı olacaq.
