Paytaxtın Sabunçu rayonu, Maştağa qəsəbəsində dəvə təsərrüfatı mövcuddur. Bu haqda bu gün, 3 fevral tarixində Bakuplus.az İTV-yə istinadən xəbər verir.
Firdovsi Axundov özünə məxsus fermada 20 ildir ki, dəvə təsərrüfatı ilə məşğuldur. Onun sözlərinə görə, dəvələr ağıllı olur, ancaq onları yetişdirmək çox çətindir.
“Çöl heyvanları olduğundan dəvələr xüsusi qulluq tələb edir. Bu da maddi və fiziki ağırlıq deməkdir”, - deyə o əlavə edib.
Buna baxmayaraq, dəvələrdən gələn xeyir də az deyil. Belə ki, F.Axundov bir neçə restoranlarla sıx əməkdaşlıq edir: dəvələrin ətindən, südündən və yunundan istifadə olunur.
Dəvə atindən məşhur qutablar bişirilir, südündən mədə-bağırsaq, ağciyər xəstəliklərində, həmçinin bədənin zəifliyi zamanı istifadə olunur, eləcə də yunundan toxunulan müxtəlif geyimlər revmatizm xəstəliyinin qarşısını alır.
Bundan əlavə, dəvələri nəzir deyənlər də var. İnsanlar müxtəlif işlərinin alınması üçün dəvə kəsərək nəzir verirlər.
F.Axundovun dəvələri, həmçinin müxtəlif bayramlarda da daim istifadə olunur.
