Sabunçu rayonu, Maştağa qəsəbəsində şagirdləri dərsə buraxmırlar. Bu haqda bu gün, 22 fevral tarixində Bakuplus.az Oxu.az-a istinadən xəbər verir.
1 saylı internat tipli tam orta məktəbdə işçilərin 2 şagirdi təhsildən uzaqlaşdırdıqları iddia olunur. Valideynin sözlərinə görə, məktəbdə uşaqlara yemək az verilir, uşağa “sən gələcəyin narkomanısan” deyilir, işçilər valideynlərdən borc pul tələb edirlər.
Bundan əlavə, məktəbdə tərbiyəçi işləyən Nəsib adlı şəxs onun övladını döyüb və yüngül xəsarət yetirib. Bundan başqa, tərbiyəçi uşağı təhdid edib və bu haqda heç kimə danışmamağı tapşırıb.
Valideyn direktor İsmayıl Əliyevə uşaqların təhsildən uzaqlaşdırılması barədə etiraz edib. Buna cavab olaraq direktor: “Get, hara istəyirsən, şikayət et”, - -deyib.
Bakı Şəhəri üzrə Təhsil İdarəsi (BŞTİ) məsələ ilə bağlı iddiaları təkzib edib və internat direktoruna tapşırıqlar verildiyi bildirilib.
Daxili İşlər Nazirliyindən (DİN) isə araşdırma aparıldığı qeyd olunub.
@oxuaz⚠️🛑 Maştağada 1 saylı internat tipli tam orta məktəbdə uşağa şiddət.♬ orijinal ses - Oxu.az News
