Bakının Sabunçu rayonu, Maştağa qəsəbəsində yerləşən 22 saylı orta məktəbdə oxuyan şagirdlərin valideynləri məktəb direktorundan narazıdırlar. Bu haqda bu gün, 11 fevral tarixində Bakuplus.az Baku.es-ə istinadən məlumat verir.
Təqdim olunan videogörüntülərdə küləkli hava zamanı məktəbin qarşısında gözləyən, ikinci növbəyə gələn şagirdləri məktəbə buraxmırlar. Valideynlərin sözlərinə görə, həmin ərazidən avtomobil yolu keçir, bu da toplaşan uşaqlar üçün təhlükə saçır.
Uşaqların çöldə dayanmasının səbəbi direktorun onlara belə tapşırıq verməsi olduğu deyilir. Valideyn onu da bildirir ki, onun övladı xidməti avtobusla məktəbə gedir. Həmin avtobus da təxminən yarım saat tez məktəbə çatır ki, birinci növbədən çıxan uşaqları vaxtında götürə bilsin. Nəticədə ikinci növbəyə gələn uşaqlar ən azı yarım saat çöldə gözləməli olurlar.
