Fransa Senatında anti-Azərbaycan qətnaməsi ilə bağlı dünən keçirilən səsvermədə 295 deputat bu təşəbbüsü dəstəkləyib, yalnız bir deputat isə əleyhinə çıxıb. Bu, Birlik mərkəzçi (“Union centrist”) fraksiyasının deputatı Natali Quledir. Bu haqda bu gün, 16 noyabr tarixində AzFront Telegram kanalı məlumat verib.
Natali Qule Senatın Konstitusiya Qanunları Komissiyasının vitse-prezidenti vəzifəsində çalışır. Eyni zamanda o, Fransa-Türkiyə parlamentlərarası dostluq qrupunun vitse-prezidenti, Fransada Azərbaycanın Dostları Assosiasiyası İdarə Heyətinin üzvüdür.
2016-cı ilin aprel ayında Ermənistan-Azərbaycan sərhədində növbəti eskalasiyadan sonra Qule BMT-ni İrəvanı pisləməyə və Bakını dəstəkləməyə çağırıb.
2020-ci ildə İkinci Qarabağ Müharibəsindən sonra o, Ermənistan anklavı olan Qarabağın muxtariyyət məsələsinin artıq aktual olmadığını və Minsk Qrupunun Beynəlxalq Vasitəçilər Qrupunun ləğv edilməli olduğunu bəyan edib. Bundan əlavə, Qule Azərbaycanın işğaldan azad edilmiş torpaqlarını “azad edilmiş ərazilər” adlandıran yeganə fransız siyasətçisidir.
