Bakı-Sumqayıt magistral yolunda avtobus xətləri çəkiləndən sonra avtobus istifadəçilərinin sayı artsa da, sərnişinlər xətdə pik saatlarda avtobusların kifayət qədər olmamasından narazıdırlar. Bu haqda bu gün, 22 dekabr tarixində Bakuplus.az ARB Xəbər-ə istinadən xəbər verir.
Daha öncə Sumqayıtdan Bakıya gələn sərnişinlər “manatlıq” taksilərə üstünlük verirdilər. Lakin avtobus xətləri ayrıldıqdan sonra taksilərin fəaliyyəti azalıb.
Hazırda vətəndaşlar mənzilbaşına daha tez çatmağa başlayıblar. Avtobuslara tələbat artsa da, sayı dəyişilməz qalıb. Sakinlərin sözlərinə görə, onlar avtobusları xeyli vaxt gözləməli olurlar və dolu gəldikləri üçün nəqliyyata minə bilmirlər. Sakinlərin fikrincə, marşrut üzrə sözügedən vəziyyət avtobusların sayının artırılması ilə həll oluna bilər.
Həmin marşrut üzrə xidmət göstərən daşıyıcı şirkətlərdən birinin şöbə müdiri Asif Mikayılovun sözlərinə görə, indiyə gədər qeyd olunan istiqamətdə sərnişindaşımaların həcmi 4 faizə yaxın artıb. O, həmçinin zolaqların istiafadəyə verilməsi ilə gün ərzində marşrut xətləri üzrə gecikmələrin əhəmiyyətli dərəcədə azaldığını vurğulayıb. Ötən ilin eyni dövrü ilə müqayisədə avtobusların yolda sərf etdiyi vaxt 1 saatdan artıq azalıb və artıq sərnişinin daşınmasına səbəb olub.
Asif Mikayılov əlavə edib ki, yaxın zamanlarda marşrut xətlərinə yeni avtobusların əlavə edilməsi nəzərdə tutulmayıb.
