Bakı metrosunda qatarları niyə 1 maşinist idarə edir? Bu haqda bu gün, 24 yanvar tarixində Bakuplus.az ATV-yə istinadən xəbər verir.
Ötən gün metroda təsərrüfat qatarının maşinisti iş başında dünyasını dəyişib. Bu hal sakinlərdə narahatlıq yaradıb. Belə ki, əvvəllər qatarları həmişə 2 maşinist idarə edirdi, bu gün isə kabinədə yalnız 1 nəfər olur. Metrodan istifadə edən 700.000 sərnişin təhlükəsiz hərəkət edirmi?
Metropolitenin mətbuat katibi Bəxtiyar Məmmədov bildirib ki, 2020-ci ildən qatarlarda 1 maşinist olur. Çünki kabinələrdə xüsusi siqnalizasiya sistemləri quraşdırılıb. Əgər maşinistin halı pisləşərsə dispetçerə birbaşa siqnal gedir və qatar avtomatik sürəti azaldaraq dayanır.
