Milli İncəsənət Muzeyində “Uzaq şərq incəsənəti” barəsində tədbir keçirləcək. Bu haqda bu gün, 29 fevral tarixində Bakuplus.az muzeyə istinadən xəbər verir.
Uşaqlar üçün nəzərdə tutulan tədbirdə qədim və zəngin sivilizasiyalardan biri olan Çin incəsənəti haqqında bəhs ediləcək. Buraya Böyük Çin səddi, Tsin Şi Xuandinin terrakot ordusu, keramika, kalliqrafiya sənəti, çay mədəniyyəti, ixtira və kəşflərə həsr olunmuş mühazirələr, təqdimatlar, ekskursiyalar, kölgə tamaşaları, viktorinalar daxildir.
Bundan əlavə, muzeydə qədim Çin incəsənətinə aid ekspozisiyalar da nümayiş olunacaq.
Proqrama qoşulmaq üçün (012) 492-07 07, 051 580 85 21 nömrələri ilə qeydiyyatdan keçmək xahiş olunur. Layihəyə daxil olan proqramlar şənbə günü Azərbaycan dilində, bazar günü rus dilində aparılır.
