Azərbaycan Milli Xalça Muzeyi “Tanınmış Xalçalarla Virtual Tur” adlı layihə ərsəyə gətirib. Bu haqda bu gün 7 dekabr tarixində Bakuplus.az Milli Xalça Muzeyinə istinadən xəbər verir.
Mədəniyyət evinin 55 illik yubileyi münasibətilə təşkil olunan layihədə tanınmış media və incəsənət nümayəndələri muzeyin tarixi, burada qorunan milli-mədəni irs nümunələri və onlarla bağlı maraqlı adət-ənənələrdən bəhs edirlər.
Layihənin ssenari müəllifi Xalça Muzeyinin direktoru, Əməkdar mədəniyyət işçisi Şirin Məlikova, rejissoru Mübariz Nağıyevdir.
Tədbir 15 dekabr saat 19:00-da Nizami Kino Mərkəzində baş tutacaq. Giriş sərbəstdir.
