Bakıda dəmir yolu xətti keçidinin bağlanması məsələsinə aydınlıq gətirilib. Bu haqda bu gün, 2 mart tarixində Bakuplus.az Oxu.az-a istinadən xəbər verir.
Suraxanı rayonunun Əmircan qəsəbəsində, İcra Hakimiyyətinin yaxınlığında yerləşən dəmir yolu keçidinin qarşısı beton daşlarla kəsilib. Sakinlərin sözlərinə görə, burada daşların qoyulması hərəkətə maneə törədir.
“Əvvəl yol açıq idi, gediş-gəliş rahat idi. Daşların düzülməsi düzgün deyil, təcili tibbi yardım keçə bilmir, yolu fırlanmağa məcbur olur”, – deyə onlar qeyd ediblər.
Məsələ ilə əlaqədar Suraxanı rayon İcra Hakimiyyəti açıqlama verib. Bildirilib ki, dəmir yolu keçidində beton daşlar uzun illərdir mövcuddur.
“Beton daşlar sözügedən keçiddə çoxsaylı qəzalar olması səbəbindən “Azərbaycan Dəmir Yolları” QSC tərəfindən qoyulub”, – deyə qurumun nümayəndəsi əlavə edib.
