Bakı küçələrində pandusların və piyadalar üçün şəraitin olmaması cəmiyyətdə aktual mövzu olaraq qalmaqda davam edir. Bakının Nərimanov rayonu, “Nəriman Nərimanov” metrosunun yaxınlığında çoxsaylı iaşə obyektləri, mağazalar, poliklinika və hətta park olduğuna baxmayaraq, ərazidə piyadalar üçün heç bir şərait yaradılmayıb. Bu haqda bu gün, 11 iyul tarixində Bakuplus.az məlumat verir.
Belə ki, “Metropark” TM yaxınlığında hər tərəfdən “zebra” tipli piyada keçidlərinin olmasına baxmayaraq, metronun qarşı tərəfində nə piyada keçidi var, nə də piyadaların hərəkətini tənzimləyən işıqfor. Yolu ancaq metro keçidlərindən keçmək olar.
Lakin bu o qədər də asan deyil: yeraltı keçidin pilləkənlərində panduslar yoxdur. Bu səbəbdən araba ilə yolu keçən insanlar keçiddən istifadə edə bilmirlər. Nəticədə onlar öz həyatlarını riskə ataraq yolun hərəkət hissəsi ilə keçməyə məcbur olurlar.
[video width="1920" height="1080" mp4="https://bakuplus.az/storage/photos/2023/07/bakuu1.mp4"][/video]
İzləyicilərimizin sözlərinə görə, oxşar problem “8 Noyabr” metro stansiyasının yaxınlığında da müşahidə olunur. “OBA” marketinə gedən pilləkən arabalar üçün uyğun deyil.
[caption id="attachment_105943" align="alignnone" width="640"]
Foto Bakuplus.az[/caption]
