Bakı Metropoliteninin “Nəriman Nərimanov” stansiyasının yeraltı keçidlərində Qarabağın Dirçəliş Fondu ilə birgə təşkil olunan “Qarabağda Urbisid” adlı fotosərgi açılıb. Bu haqda bu gün, 13 yanvar tarixində Report məlumat verib.
Sərgidə erməni vandallarının Qarabağda törətdikləri dağıdıcılığı əks etdirən 90-a yaxın fotoşəkil, eləcə də tarixi, mədəniyyət və dini abidələrimizə aid fotoşəkillər nümayiş etdirilir.
6 ay davam edəcək sərgi Birinci vitse-prezident Mehriban Əliyevanın təşəbbüsü ilə Qarabağ Dirçəliş Fondu tərəfindən yaradılmış “Karabakh.Center” internet resursunun materialları əsasında təşkil olunub.
İndiyədək “Qarabağda Urbisid” fotosərgisi Heydər Əliyev Beynəlxalq Aeroportunda, “Qarabağı yenidən qur 2022” sərgisində, iri ticarət mərkəzlərində, ali təhsil ocaqlarında və digər yerlərdə keçirilib.
[caption id="attachment_86812" align="alignnone" width="640"]
Foto Report.az saytı[/caption]
