Nərimanov rayonunun növbəti küçəsi təmir olunub. Bu haqda 11 yanvar tarixində Azərbaycan Avtomobil Yolları Dövlət Agentliyi xəbər verib.
Rayon ərazisində yerləşən Qarabağ küçəsində əsaslı təmir işləri aparılıb. G. Qədirbəyova və Ə. Vahid küçələri arasında uzunluğu 900 metr hissə təmir olunub. Küçə zəruri yol nişanları, üfiqi nişanlanma xətləri, piyada zolaqları və parkinq yerləri ilə təmin olunub.
Təmir işləri zamanı:
- zəruri yerlərdə genişləndirmə aparılıb
- piyada səkiləri 3650 kv.m sahədə bərpa olunub
- küçəyə boyu 4000 p/m-dən çox səki daşı düzülüb
- yol ayrıcında yerləşən yaşıllıq ərazi abadlaşdırılıb
- ərazidə 900 metr uzunluğunda piyada zolağı salınıb
- 12 min kv.m sahəyə 2 lay asfalt-beton örtüyü döşənib
Səth sularının kənarlaşdırılması üçün:
- mövcud yağış-kanalizasiya sistemi bərpa olunub
- 40 p/metr boru, 18 yeni yağış barmaqlığı quraşdırılıb
- kommunikasiya xətlərinin 42 baxış qapağı yenilənib
2019-2021-ci illərdə Nərimanov r-da 30 km-dən çox uzunluğa malik küçə və yol təmir edilib.
