Paytaxtın Nərimanov rayonu, Müzəffər Nərimanov küçəsi əsaslı təmir olunur. Bu haqda bu gün, 10 may tarixində Bakuplus.az Avtomobil Yolları Dövlət Agentliyinə istinadən xəbər verir.
Uzunluğu 1830, eni isə 12 metr təşkil edən küçədə hazırda səki və bordür daşları yenilənir.
Daha sonra əraziyə yeni asfalt örtüyü vurulacaq, kommunikasiya xətləri təmir olunacaq. Həmçinin kanalizasiya sistemi yenidən qurulacaq.
Cari il ərzində Fətəli xan Xoyski prospektində, həmçinin Əliəşrəf Əlizadə, Ülvi Bünyadzadə, Məsud Əlizadə, Əbdüləzəl Dəmirçizadə, Tələt Şıxəliyev küçələrində yenidənqurma işlərinin aparılması nəzərdə tutulub.
[caption id="attachment_43835" align="alignnone" width="800"] Foto AAYDA-nın rəsmi saytı[/caption]
