Bakının Nərimanov rayonu, Zaur Nuridəliyev küçəsində (keçmiş Aşıq Molla Cümə küçəsi) piyada səkisini qazpaylayıcı qutular zəbt edib. Bu haqda bu gün, 16 iyul tarixində Bakuplus.az məlumat verir.
Verilən məlumata əsasən, “Təmiz qaz” şirkətinə məxsus olan binanın yaxınlığında “Azəriqaz” İB tərəfindən 10-dan çox qazpaylayıcı quraşdırılıb. Həmin qurğular piyada səkisinin üzərində yerləşdiyinə görə, insanlar oradan rahat keçə bilmirlər.
Bundan əlavə, səki qəflətən yüksək pillə ilə başa çatır, onun üzərindən isə qaz borusu keçir. Bu səbəbdən yaşlı insanlar, uşaq arabası ilə olan qadınlar və ya uşaqlar çətin ki, səkidən köməksiz düşə bilsinlər.
Qazpaylayıcıların belə qeyri-adi tənzimlənməsinin məqsədini öyrənmək üçün Bakuplus.az komandası “Azəriqaz”ın sabiq əməkdaşının fikrini öyrənib. Onun sözlərinə görə, ərazidə sənaye obyektləri tərəfindən istifadə olunan G-25 və daha yüksək dərəcəli paylayıcılar quraşdırılıb. Onların bir-birinə yaxın yerləşməsi orada həmin sahə üçün zəruri olan iri qazpaylayıcı stansiyanın quraşdırılmasının mümkünsüzlüyü ilə bağlıdır.
[URIS id=52808]
