Nərimanov rayonunda 60 ailənin yaşadığı bina qəsdən dağıdılır. Bu haqda bu gün, 31 may tarixində Bakuplus.az Real TV-yə istinadən xəbər verir.
Şikayət rayonun Qarabağ küçəsi, 42 ünvanındandır. Belə ki, 122 yaşı olan kiçik məhəllənin yanında yeni bina inşa olunur. “Məqam MTK” tərəfindən tikilən bina 3 aydır ki, sakinləri yaşamağa qoymur. Onlar iddia edirlər ki, tikinti şirkəti ağır texnika istifadə edən zaman onların binası dağılır və çatlayır.
Sakinlərin sözlərinə görə, şirkət qəsdən belə edir ki, evlərin qiymətləri aşağı düşsün və onlar həmin evləri ucuz ala bilsinlər.
“Bizim binanı qəzalı vəziyyətə salmaq istəyirlər. Gecə-gündüz iş gedir. Ya bizimlə əməkdaşlıq etsinlər, ya da tikintini dayandırsınlar”, - deyə sakinlər bildirirlər.
MTK-dan isə məsələ ilə bağlı bildiriblər ki, həmin ərazidə sadəcə qaraj tikilir və 60 ailənin yaşadığı evi almaq kimi bir planları yoxdur.
[caption id="attachment_102000" align="alignnone" width="640"]
Foto Real TV-nin rəsmi Youtube kanalı[/caption]
