Nəsimi rayonu, Mirəli Qaşqay küçəsi, 24 ünvanında abadlıq-quruculuq işlərinə başlanılıb. Bu haqda bu gün, 3 iyun tarixində Bakuplus.az rayon İcra Hakimiyyətinə istinadən xəbər verir.
Aparılan işlər çərçivəsində yaşayış binasının fasadında və dam örtüyündə əsaslı təmir işləri aparılıb. Binanın yağış suları axıdan boru və navalçaları dəyişdirilib, giriş pilləkənləri təmir olunub, qapı və pəncərələri yeniləri ilə əvəz olunub. Hazırda binanın həyətində abadlıq və quruculuq işlərinə başlanılıb.
Bundan əlavə, həyətdə təhlükəli vəziyyətdə olan qurumuş ağaclar budanaraq ərazidən çıxarılır, torpaq işləri görülür, tamet, bordür daşları vurulur, istinad divarları bərpa edilərək aqlay daşlarla üzlənilir, ərazidə söhbətgah və oturacaqların quraşdırılması işləri aparılır.
[caption id="attachment_139899" align="alignnone" width="640"]
Foto İcra Hakimiyyəti[/caption]
