Bakının Nəsimi rayonu, Hüseynbala Əliyev, 11 ünvanında təmir işləri başlayıb. Bu haqda bu gün, 2 aprel tarixində Bakuplus.az rayon İcra Hakimiyyətinə (RİH) istinadən xəbər verir.
Görülən işlər çərşivəsində ümumi yaşayış binasının fasadında və dam örtüyündə əsaslı təmir işlərinə başlanılıb. Binanın yağış suları axıdan boru və navalçalarının dəyişdirilməsi, giriş pilləkənlərinin təmir olunması, həmçinin qapı və pəncərələrin yeniləri ilə əvəz olunması işləri nəzərdə tutulub.
Eləcə də həyətdə hasara alınmış sahələr sökülərək sakinlərin ümumi istifadəsinə veriləcək, təhlükəli vəziyyətdə olan qurumuş ağaclar budanaraq ərazidən çıxarılacaq.
Əlavə olaraq həyətdə tamet bordür daşlarının vurulması, yaşıllaşdırma, suvarma, işıqlandırma sistemlərinin çəkilməsi və təhlükəsizlik kameralarının quraşdırılması, həmçinin söhbətgah, oturacaqlar, müxtəlif növ uşaq oyun elementləri və idman qurğuları quraşdırılacaq.
