Nəsimi rayonunda növbəti “ABAD həyət” istifadəyə verilib. Bu haqda bu gün, 9 iyun tarixində Bakuplus.az rayon İcra Hakimiyyətinə istinadən xəbər verir.
Abadlıq işləri 3-cü mikrorayon, Cavadxan küçəsi, 28, 32 saylı ünvanlarda aparılıb. Təmir işləri çərçivəsində binaların fasadları, dam örtükləri təmir olunub, yağış suları axıdan borular və navalçalar yenilənib, pəncərələr dəyişdirilib.
Bundan əlavə, 500 kv.m-ə yaxın tamet daşı vurulub, 1000 kv.m-dən artıq qazon salınıb. Həyətdə zəbt olunmuş sahələr geri qaytarılıb, söhbətgah və oturacaqlar, uşaq meydançaları quraşdırılıb.
Həmçinin 500-dək ağac və müxtəlif növ gül kolları əkilib, işıqlandırma sistemləri quraşdırılıb və parklanma yeri yaradılıb.
Hazırda rayonun digər ərazilərində də abadlıq-quruculuq işləri davam edir.
[caption id="attachment_102939" align="alignnone" width="640"]
Foto Nəsimi RİH[/caption]
