Televiziya rəhbəri Balakişi Qasımov məktəblilərlə görüşəcək. Bu haqda bu gün, 21 noyabr tarixində Bakuplus.az Bakı Şəhəri üzrə Təhsil İdarəsinə istinadən xəbər verir.
İctimai Televiziya və Radio Yayımları Şirkətinin Baş direktoru “Məktəbdə…” layihəsi çərçivəsində uşaqlarla vaxt keçirəcək.
Qasımov məktəb və müəllimin insanların formalaşdırılmasında rolu, vətənpərvərlik hisslərinin aşılanması, asudə vaxtın düzgün idarə olunması və digər mövzulardan danışacaq.
Tədbir noyabrın 22-də Bakının Nəsimi rayonunda yerləşən 1 nömrəli tam orta məktəbdə təşkil olunacaq.
